आफ्नो भूराजनैतिक विशेषताले गर्दा नेपालले असंलग्न तथा तटस्थ र पञ्चशीलमा आधारित परराष्ट्र नीति अवलम्बन गर्दै आईरहेको एवम् यही नीति नै नेपालको निम्ति श्रेयष्कर रहेको प्रष्टसंग देख्दा देख्दै पनि संयुक्त राष्ट्रसंघ लगायतका अन्तर्राष्ट्रिय निकायका सम्बन्धमा भारतसंग समान दृष्टिकोण अपनाउने र भारतलाई संयुक्त राष्ट्रसंघ सुरक्षा परिषद्को स्थायी सदस्यमा समर्थन गर्ने जस्तो प्रावधान संयुक्त विज्ञप्तिमा रहनुले नेपाललाई राष्ट्रिय हित विपरितको परराष्ट्र नीति अपनाउन तर्फ घचेट्ने दुश्प्रयास गरीएको छ ’, बैठकपछि मैनालीले जारी गरेको विज्ञप्तीमा भनिएको छ ।

यस्तै भारतीय रणनीति बमोजिम नेपालको संविधान संशोधनमा भारतीय मागलाई जायज ठहर्याउदै प्रधानमन्त्री दाहालले आन्तरिक मामलामा बाह्य शक्तिलाई प्रवेश गराउने र देशको भौगोलिक अखण्डतामाथि गम्भीर आँच पुर्याउने काम गरेको समेत विज्ञप्तीमा उल्लेख गरिएको छ ।-