१३ असोज ,काठमाडौं । कोठामा राखेर चरेस विक्री गर्ने गरेको अवस्थामा प्रहरीले एक महिलालाई पक्राउ गरेको छ ।

महानगरीय प्रहरी बृत थानकोटको टोलीले थानकोटको त्रिभुवन पार्क नजिकैबाट तीन किलो चरेससहित मकवानपुरकी बिना लामालाई पक्राउ गरेको हो ।

कोठामा चरेसको गोली गोली बनाएर विक्री गर्ने गरेको आरोपमा लामालाई पक्राउ गरिएको थान्कोट बृतका डीएसपी कृष्ण पंगेनीले बताए ।

डीएसपी पंगेनीका अनुसार मकवानपुरबाट चरेस ल्याउने र कोठामा क्याप्सुल बनाएर दुर्व्यसनीलाई विक्री गर्ने गरेको भेटिएको छ ।

लामालाई चरेस ल्याएर दिने अर्का एक युवक भने फरार छन । प्रहरीले विक्री गर्न तयार पारिएको चरेस भरिएका करिब सय ग्रामका २१ वटा गोली पांच सय ग्रामका तिन वटा पोका बरामद गरेको छ ।

‘एकै पटक धेरै ल्याउँदा प्रहरीले थाहा भएकोले थोरै ल्याउने र क्याप्सुल बनाएर विक्री गर्ने पेशेवर लागुऔषध कारोबारी जस्तो देखिन्छ, फरार एक जनाको पनि खोजी भइरहेको छ ‘ डीएसपी पंगेनीले भने ।