असोज १६ गते- हङकङमा रोजगारी तथा विभिन्न प्रयोजनका लागि गएका नेपाली युवाहरुबीच नै ग्याङ्ग फाइट भएको छ । ग्याङ्ग फाइट नियन्त्रणमा लिन हङ्गकङ्ग प्रहरीले गोली नै चलाउनुपरेको छ । हङ्गकङ्गको जोर्डनमा आइतबार बिहानै नेपाली युवाहरु हात हातमा धारिला हतियार लिएर ग्याङ्ग फाइटमा उत्रिएपछि प्रहरीले स्थिती नियन्त्रणमा लिन चार राउण्ड गोली चलाएको थियो । नेपाली युवाहरुबीच ग्याङ्ग फाइट भएको एकजना ट्याक्सी चालकले देखेका थिए । उनले नै प्रहरीलाई खबर गरेपछि प्रहरीले स्थिती नियन्त्रणमा लिएको हो । त्यसक्रममा प्रहरीको गोली लागि दुईजना घाईते भएका छन् । घाईतेहरुको परिचय खुलेको छैन ।