ताजाखबर। सामाजिक कथामा बनेको नेपाली चलचित्र ‘द स्पोन्सर’को अफिसियल पेन्टिङ पोस्टर रिलिज भएको छ । आइतबार राजधानीमा आयोजित समारोहमा फिल्मको एक्रेलिक पेन्टिङ पोस्टर अनावरण गरिएको हो ।

चित्रकार साजिद शाक्यले पोस्टर सार्वजनिक गरेका थिए । हङकङमा मंसिर ११ गते यो फिल्म प्रदर्शन हुनेछ तर नेपाल प्रदर्शन मिति भने टुंगो लागेको छैन ।

पूर्वी नेपालको सप्तकोशी नदी किनारमा बस्ने ९ वषिर्या टुहुरी कौशिकीको कथा फिल्ममा छ । माछा पालेर जीविका चलाउने समुदायकी ती बालिका आफ्नो स्पोन्सरले अमेरिका लैजाने र जीवनका दुःख सकिने सपनामा बाँचेकी छिन् ।

रुद्रबहादुर गुरुङको निर्माण एवं प्रणय लिम्बुको पटकथा निर्देशन रहेको यो फिल्म कामेश्वर चौरासियाको पहिलो छायांकन सिनेमा हो । प्रविण खतिवडा, ग्रीष्मा नेपाल, कामेश्वर चौरासिया, एलिना श्रेष्ठ, रेखा कर्ण, रमेश रन्जन झा, रामभजन कामत र सुरेश नेपालको मुख्य भूमिका छ ।

बाबुराम नेपालीको छायांकन, चन्दन दत्तको सम्पादन, विक्रम कार्कीको ध्वनी नियन्त्रण लगायत छ ।